सिरहा । माइक्रोफाइनान्स लघुवित्त वित्तिय संस्था लिमिटेडले गोलबजार शाखा कार्यालयद्वारा सिरहामा केन्द्र प्रमुख गोष्ठी तथा वित्तीय साक्षरता कार्यक्रम सम्पन्न गरेको छ ।
कार्यक्रममा साना तथा मझौला व्यापारी कृषक महिलाहरूलाई विशेष गरी लघुवित्त कर्जा र बचत सम्बन्धी व्यवसाय दर्ता, व्यवसाय योजना, कर्जा सदुपयोगिता, बित्तिय व्यवस्थापन, व्यापार बिस्तार, महिला सचेतना, महिला सशक्तिकरण, लघुबित्तले समाजमा पारेको सकारात्मक परिवर्तन र बैंकिङ सम्बन्धी महत्वपूर्ण जानकारी प्रदान गराउने उद्देश्यले सञ्चालन गरिएको थियो ।
माइक्रोफाइनान्स लघुवित्तद्धारा गोष्ठी तथा वित्तीय साक्षरता कार्यक्रममा प्रमुख अतिथि गोलबजारका नगर प्रमुख श्याम कुमार श्रेष्ठ र विशिष्ट अतिथि उपप्रमुख मान्ती साह तथा अतिथिमा वडा अध्यक्ष सकलदेव यादव लगायतका सहभागिता रहेका थिए ।
उक्त कार्यक्रममा समुहमा आबद्ध १०० भन्दा बढि महिला सदस्यहरूको सहभागिता रहेको कार्यक्रममा उत्कृष्ट भएका केन्द्रसदस्यहरुलाई नगद सहित प्रमाणपत्रद्धारा सम्मान गरिएको थियो भने समुहमा आबद्ध सदस्यलाई सबै भन्दा धेरै ग्रेड ल्याउने ब्यक्तिलाई नगद सहित प्रमाणपत्रद्धारा संस्थाका केन्द्रीय कार्यालयका अनुगमन अधिकृत अर्जुन गौतमले सम्मान गरेको छ ।
संस्थाका जिल्ला भरी समुहमा आबद्ध सबै क्षेत्र र बर्गका साना तथा मझौला व्यापारी, कृषकहरूलाई प्रोत्साहन, सचेतना र सशक्तीकरण गर्ने उद्देश्यले यस्ता कार्यक्रम गरिएको र आगामी दिनमा पनि यस वित्तिय संस्थाले वित्तिय साक्षरता कार्यक्रम तथा अन्य कार्यक्रमहरू सञ्चालन गर्दै जाने शाखा प्रबन्ध महेश कुमार चौधरी जानकारी दिए ।
उक्त कार्यक्रम तथा गोष्ठी गोलबजारको न्यु ग्रीनलाईड होटलमा सम्पन्न गरेको छ । संस्थाका केन्द्रीय कार्यालयका अनुगमन अधिकृत अर्जुन गौतम र कर्जा असुली अधिकृत अर्जुन पौडेल तथा सूचना प्रविधिका विभागीय प्रमुख सुसिल कुमार पुडासैनी लगायत शाखा प्रबन्ध महेश कुमार चौधरी गरी ६ जना कर्मचारीहरूको सहभागितामा साक्षरता कार्यक्रम तथा गोष्ठी आयोजना गरेको थियो ।
You sent
