सिरहा, सिरहाको कल्याणपुर नगरपालिका वडा नं. १० स्थित परचिल्वा र नवकाटोल बीचमा ट्याक्टर पल्टिँदा दुई जनाको ज्यान गयो ।
सिरहामा छठ पर्वको केरा बोकेको ट्याक्टर दुर्घटना हुँदा ज्यान गएको छ । आज बिहान करिब ४ः०० बजेमा दुर्घटना भएको हो ।
सुनसरीको भन्टावारीबाट केरा खरिद गरी आउने क्रममा कल्याणपुर नगरपालिका नवकाटोल र प्रचिल्वा सडक खण्डमा वान टेस्ट नम्बरको ट्याक्टर दुर्घटना भएको कल्याणपुर प्रहरीले जनाएको छ । स्थानियका अनुसार लगातार २४ घन्टादेखि ट्याक्टर चलाएको निद्राको कारण दुर्घटना भएको छ ।
दुर्घटनामा परी सिरहाकै कलयाणपुर नगरपालिका ४ महुलिया निवासी २६ बर्षीय चालक कमल यादव (छेदु ) र कल्याणपुर नगरपालिका ११ निवासी ५२ बर्षीय व्यापारी दुखीया साहको मृत्यु भएको छ । दुर्घटनामा चालक र केरा ब्यापारीको दुर्घटना स्थानमै मृत्यु भएको ईलाका प्रहरी कल्याणपुरले जनाएको छ ।
